Plantun de Prouvènço

Pèr coumpara dos planto d'encò nostre

Phyteuma betonicifolium & Carex canescens

Phyteuma betonicifolium

Campanulaceae

Nom en français : Raiponce à feuilles de bétoine.

Descripcioun :
Aqueste rapounchoun, coumun en mountagno, trachis dins li pelouso séusouso. Se recounèis à soun enflourejado bluio claro en espigo, e subretout à si fueio en triangle à la baso que vènon en lanço pu aut. Coumpara emé lou rapounchoun-de-Micheli que ié sèmblo proun.

Usanço :
Sèmblo que li rapounchoun soun tóuti manjadis, majamen li jóuini brout emai li racino poupouso cuecho.

Port : Erbo
Taio : 20 à 80 cm
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Phyteuma
Famiho : Campanulaceae

Ordre : Asterales

Coulour de la flour : Bluio
Petalo : 5
Ø (o loungour) enflourejado : 3 à 10 cm
Flourido : Printèms - Estiéu

Sòu : Si
Autour basso e auto : 800 à 2300 m
Aparado : Noun
Mai à avoust

Liò : Pelouso
Estànci : Mountagnard à Subaupen
Couroulougi : Ouroufito-Aupenco
Ref. sc. : Phyteuma betonicifolium Vill., 1785

Queirello(-blanquinouso)

Carex canescens

Cyperaceae

Àutri noum : Moutouso, Sagneto.

Nom en français : Laiche blanchâtre.

Descripcioun :
La queirello-blanquinouso trachis en mato dins li palun de mountagno sus siliço. Es uno planto pulèu raro au nostro emai s'atrobe un pau d'en pertout en deforo. Sa cambo, en triangle e rufo en aut, porto de tres à vuech espigo roundinello longo de 5 à 12 mm. Fai de lòngui fueio de 2 à 3 mm de larg.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 50(70) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 30 à 50 mm
Flourido : Printèms - Estiéu

Sòu : Si
Autour basso e auto : 0 à 2300 m
Aparado : Noun
Mai à juliet

Liò : Palun tourbous
Estànci : Mountagnard à Subaupen
Couroulougi : Subrecousmoupoulito
Ref. sc. : Carex canescens L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Phyteuma betonicifolium & Carex canescens

ges

Coumpara Rapounchoun(-di-fueio-de-betounico) emé uno autro planto

Coumpara Queirello(-blanquinouso) emé uno autro planto